බටහිර ඉන්දීය කොදෙව් කාන්තා කණ්ඩායම සමඟ පැවැති දෙවන එක්දින ක්රිකට් තරගයෙන් ලකුණු 14ක තීරණාත්මක ජයක් ලැබීමට ශ්රී ලංකා කාන්තා කණ්ඩායම සමත් විය. ග්රෙනෙඩාහි පැවැති මෙම තරගයේ ජයත් සමඟ තරග තුනකින් සමන්විත එක්දින තරගාවලිය තවත් තරගයක් ඉතිරිව තිබියදීම 2-0ක් ලෙස ජය ගැනීමට ශ්රී ලංකා ක්රීඩිකාවෝ සමත් වූහ. තරගයේ පළමුව පන්දුවට පහරදුන් ශ්රී ලංකා කණ්ඩායම පන්දුවාර 47යි පන්දු 5ක් අවසානයේ සියලු දෙනා දැවී ලකුණු 208ක් රැස් කළේය. ලකුණු 209ක ජයග්රාහී ඉලක්කයක් හඹා ගිය කොදෙව් කණ්ඩායමට ශ්රී ලංකා පන්දු යවන්නියන්ගේ දක්ෂ පන්දු යැවීම හමුවේ පන්දුවාර 48කදී සියලු දෙනා දැවී ලබාගත හැකි වූයේ ලකුණු 194ක් පමණි.
