කල්තොට ප්රාදේශීය ලේකම් කාර්යාලයේ ප්රථම ප්රාදේශීය ලේකම්වරිය ලෙස සුවිශේෂී මෙහෙවරක් ඉටුකළ ජී. ජී. එන්. වීරසූරිය මහත්මියගේ සේවය ඇගයීම සඳහා සංවිධානය කරන ලද උපහාර උත්සවයක් පසුගියදා කල්තොට මැදබැද්දේදී පැවැත්විණි. බුදුගල රජමහ විහාරාධිපති පූජ්ය මද්දේගම චන්දාලංකාර නාහිමියන්ගේ ප්රධානත්වයෙන් පැවැති මෙම උත්සවය කල්තොට ශාසනාරක්ෂක මණ්ඩලය සහ ප්රදේශවාසීන් එක්ව සංවිධානය කර තිබුණි.
රත්නපුර දිස්ත්රික්කයේ 18 වැනි ප්රාදේශීය ලේකම් කාර්යාලය ලෙස 2021 වසරේදී කල්තොට කාර්යාලය ආරම්භ වූ දින සිට වසර පහකට ආසන්න කාලයක් ඇය එම ප්රදේශයේ සංවර්ධනය උදෙසා කැපවී කටයුතු කළාය. ඇය සිය සේවා කාලය නිම කරමින් රත්නපුර රබර් සංවර්ධන දෙපාර්තමේන්තුවේ ප්රාදේශීය අධ්යක්ෂවරිය ලෙස ස්ථාන මාරුවීම් ලබා යන අතරතුර මෙම උපහාරය පිරිනැමිණි.
මෙම අවස්ථාවට කල්තොට වත්මන් ප්රාදේශීය ලේකම් ටී. ඩී. නිහාල් මහතා ඇතුළු රාජ්ය නිලධාරීන් සහ මහා සංඝරත්නය විශාල පිරිසක් සහභාගී වූහ. මෙම උත්සවයට සමගාමීව බුදුගල සෝමරතන හිමියන් විසින් රචිත ‘කල්තොට පුනරුදය’ ග්රන්ථය එළිදැක්වීම ද සිදුවූ අතර, එය ඇයගේ සේවා කාලය තුළ සිදුවූ කලාපීය ප්රබෝධය සනිටුහන් කළ අවස්ථාවක් විය.
