ඉන්දීය සිනමාවේ අතිශය ජනප්රිය තරු යුවළක් වන රශ්මිකා මන්දන්නා සහ විජේ දේවරකොන්ඩ සිය වසර අටක ප්රේම සම්බන්ධය නිල වශයෙන් තහවුරු කරමින් විවාහ වීමට සූදානම් වන බව නිවේදනය කර ඇත. සිය රසිකයන් විසින් ආදරයට ඔවුන් දෙදෙනා හැඳින්වූ ‘VIROSH’ (Vijay + Rashmika) යන නාමය ගෞරවයක් ලෙස සලකා සිය විවාහ මංගල්යය ද ‘The Wedding of VIROSH’ ලෙස නම් කිරීමට ඔවුන් තීරණය කර තිබේ. රශ්මිකා සහ විජේ සිය ඉන්ස්ටග්රෑම් (Instagram) ගිණුම් හරහා රසිකයන්ට ස්තුතිය පළ කරමින් හැඟීම්බර සටහනක් ද තබා ඇත.
වාර්තා වන අන්දමට මෙම විවාහ මංගල්යය එළඹෙන පෙබරවාරි 26 වැනිදා රාජස්ථානයේ උදයපූර් (Udaipur) හි පිහිටි පෞරාණික මාලිගාවකදී ඉතාම පෞද්ගලික මට්ටමින් පැවැත්වීමට නියමිතය. විවාහයෙන් පසුව මාර්තු 04 වැනිදා හයිද්රාබාද්හිදී සිනමා ක්ෂේත්රයේ මිතුරන් වෙනුවෙන් විශේෂ සාදයක් ද සංවිධානය කර තිබේ. 2018 වසරේ ‘Geetha Govindam’ චිත්රපටයෙන් ආරම්භ වූ ඔවුන්ගේ සුසංයෝගය පසුව ‘Dear Comrade’ හරහා ද රසික හදවත් දිනාගත් අතර, දීර්ඝ කාලයක් තිස්සේ ඔවුන් අතර පවතින බව පැවසුණු ප්රේම සබඳතාවය මෙලෙස නිල වශයෙන් තහවුරු කිරීමත් සමඟ රසිකයන් දැඩි උද්යෝගයට පත්ව ඇත.
