සම්පත් සමූහය 2025 දෙසැම්බර් 31 වන දිනෙන් අවසන් වූ මූල්ය වසර සඳහා සිය ඉතිහාසයේ සාර්ථකම මූල්ය ප්රතිඵල වාර්තා කිරීමට සමත් වී තිබේ. ඒ අනුව සමූහයේ බදු ගෙවීමට පෙර ලාභය රුපියල් බිලියන 53.0 ක් ලෙස සටහන් වූ අතර බදු ගෙවීමෙන් පසු ලාභය රුපියල් බිලියන 32.6 ක් විය. මෙය පෙර වසරට සාපේක්ෂව පිළිවෙලින් 8% ක සහ 13% ක වර්ධනයක් වන අතර, ශ්රී ලංකාවේ මූල්ය ක්ෂේත්රය තුළ සම්පත් බැංකුව සතු ස්ථාවරත්වය සහ ඔරොත්තු දීමේ හැකියාව මෙයින් මනාව පිළිබිඹු වේ.
සමූහයේ මුළු වත්කම් පදනම 2024 වසරට සාපේක්ෂව 12% කින් වර්ධනය වෙමින් රුපියල් ට්රිලියන 2 ක සුවිශේෂී සන්ධිස්ථානය පසු කිරීමට සමත් වීම කැපී පෙනෙන ජයග්රහණයකි. සමූහයේ ප්රධාන මෙහෙයුම් එන්ජිම වන සම්පත් බැංකුව, රුපියල් ට්රිලියන 1.2 ක දළ ණය පොතක් සහ රුපියල් ට්රිලියන 1.65 ක තැන්පතු පදනමක් පවත්වා ගනිමින් මෙම වර්ධනයට මූලිකත්වය ලබා දී ඇත. බැංකුවේ කොටස් මත ප්රතිලාභය (ROE) 17.93% දක්වා ඉහළ ගොස් ඇති අතර කොටස් හිමියන් වෙනුවෙන් කොටසකට රුපියල් 10.30 ක ඉහළ අවසාන ලාභාංශයක් ප්රකාශයට පත් කර තිබේ.
මූල්ය ලාභයට අමතරව සම්පත් බැංකුව 2025 වසර තුළ රජයේ බදු ආදායම සඳහා රුපියල් බිලියන 39 කට අධික දායකත්වයක් ලබා දී ඇත. බැංකුව සිය මූල්ය සේවා පුළුල් කරමින් 2026 වසරේදී නව ධන කළමනාකරණ අංශයක් ද ස්ථාපිත කළ අතර, “වැවට ජීවයක්” වැනි ESG වැඩසටහන් හරහා තිරසාර සංවර්ධනයට ද විශාල දායකත්වයක් දක්වයි. විශේෂයෙන්ම “දිට්වා” සුළි කුණාටුවෙන් පීඩාවට පත් ජනතාව වෙනුවෙන් රුපියල් මිලියන 100 ක පරිත්යාගයක් සිදු කරමින් බැංකුව සිය සමාජ වගකීම ද මැනවින් ඉටු කර තිබේ.
