ගෝලීය වෙළඳ අර්බුද සහ භූ දේශපාලනික අවිනිශ්චිතතා හේතුවෙන් මෙරට සමස්ත ආර්ථික කාර්යසාධනය සහ වර්ධන අපේක්ෂාවන් කෙරෙහි අහිතකර බලපෑම් ඇති විය හැකි බව ශ්රී ලංකා මහ බැංකුව පවසයි. මහ බැංකුවේ නවතම මුදල් ප්රතිපත්ති වාර්තාව මගින් පෙන්වා දෙන්නේ 2025 වසරේ මුල් මාස නවය තුළ ඉහළ ආර්ථික වර්ධනයක් වාර්තා වුවද, එම වසර අගභාගයේදී බලපෑ ‘දිට්වා’ සුළි කුණාටුව හේතුවෙන් ආර්ථික ක්රියාකාරකම් තාවකාලිකව මන්දගාමී වූ බවයි. කෙසේ වෙතත්, කාලෝචිත ප්රතිපත්ති මැදිහත්වීම් හරහා ආර්ථිකය යථා තත්ත්වයට පත් වනු ඇතැයි අපේක්ෂා කෙරේ.
සුළි කුණාටුවෙන් සිදු වූ හානි ප්රතිසංස්කරණය කිරීම සඳහා 2026 වසරේ පරිපූරක අයවැය ඇස්තමේන්තු හරහා රජය මේ වන විටත් සහන ක්රියාමාර්ග සහ යටිතල පහසුකම් සංවර්ධන ව්යාපෘති දියත් කර ඇති බවද එම වාර්තාවේ වැඩිදුරටත් සඳහන් වේ.
