2026 විස්සයි විස්ස ලෝක කුසලාන ක්රිකට් තරගාවලියේ සුපිරි 8 දෙනාගේ වටයේ තීරණාත්මක තරගයක් බටහිර ඉන්දීය කොදෙව් කණ්ඩායම සහ සිම්බාබ්වේ කණ්ඩායම අතර මුම්බායි හි වන්කඩේ ක්රීඩාංගණයේදී ආරම්භ වීමට නියමිතය.
මෙම තරගයේ කාසියේ වාසිය දිනා ගැනීමට සිම්බාබ්වේ නායක සිකන්දර් රාසා සමත් වූ අතර, ඔහු ප්රථමයෙන් පන්දු යැවීමට තීරණය කළේය. ඒ අනුව බටහිර ඉන්දීය කොදෙව් කණ්ඩායම ප්රථමයෙන් පන්දුවට පහර දීම සඳහා පිටියට පිවිසෙනු ඇත.
මෙම කණ්ඩායම් දෙකම මෙවර තරගාවලියේ මූලික වටයේදී අපරාජිතව සිටීම විශේෂත්වයකි. ෂායි හෝප්ගේ නායකත්වයෙන් යුත් කොදෙව් කණ්ඩායම මූලික වටයේ තරග 4ම ජය ගනිමින් සුපිරි 8 වටයට සුදුසුකම් ලැබූ අතර, සිම්බාබ්වේ කණ්ඩායම ඕස්ට්රේලියාව සහ ශ්රී ලංකාව වැනි ප්රබල කණ්ඩායම් පරාජය කරමින් මෙම වටයට පිවිසියේය.
සුපිරි 8 වටයේ පළමු කාණ්ඩයෙන් (Group 1) අවසන් පූර්ව වටයට සුදුසුකම් ලැබීමට නම් මෙම තරගයේ ජයග්රහණය කණ්ඩායම් දෙකටම අතිශය වැදගත් වේ. විශේෂයෙන්ම ඉන්දියාව සහ දකුණු අප්රිකාවද මෙම කාණ්ඩයේ සිටින බැවින්, මෙම තරගයේ ප්රතිඵලය ඉදිරි ගමන තීරණය කිරීමට තීරණාත්මක වනු ඇත.
