කොරෝනා වසංගතයත් සමඟ වසා දැමුණු අක්මීමන ප්රාදේශීය සභාවට අයත් පින්නදුව සහ නියාගම සතිපොළවල් දෙක යළිත් නවීකරණය කර ආරම්භ කිරීමට සැලසුම් කර ඇති බව සභාපති සුගත් ආනන්ද මහතා පවසයි. වසර කිහිපයක් තිස්සේ වසා දමා තිබීම හේතුවෙන් වල්බිහි වී විනාශ වෙමින් පවතින මෙම ගොඩනැඟිලි පද්ධති කඩිනමින් අලුත්වැඩියා කර ජනතා අයිතියට පත් කිරීම මෙහි මූලික අරමුණයි.
මීට පෙර අවස්ථාවලදී මෙම සතිපොළවල් යළි ආරම්භ කිරීමට බලධාරීන් උත්සාහ කළද, වෙළෙඳුන්ගේ සහභාගීත්වය අවම වීම හේතුවෙන් එම උත්සාහයන් ව්යර්ථ විය. මාර්ග අයිනේ වෙළඳාම් කිරීමට වෙළෙඳුන් වැඩි රුචිකත්වයක් දැක්වීම මෙයට හේතුව වී තිබුණි. කෙසේ වෙතත්, මෙවර වඩාත් සංවිධානාත්මකව, ප්රචාරක කටයුතු නිසි පරිදි සිදු කරමින් සහ වෙළෙඳුන්ට මෙන්ම පාරිභෝගිකයන්ට අවශ්ය යටිතල පහසුකම් උපරිමයෙන් සලසා දෙමින් මෙම සතිපොළවල් ආරම්භ කිරීමට වර්තමාන සභාව තීරණය කර ඇත.
පින්නදුව සහ නියාගම සතිපොළවල් යළි ආරම්භ කිරීම තුළින් ප්රදේශවාසීන්ට තමන්ට රුචි පරිදි ගුණාත්මක භාණ්ඩ සහන මිලට තෝරා ගැනීමට අවස්ථාව ලැබෙන අතර, ප්රාදේශීය සභාවට ද ඉහළ ආදායමක් හිමිවනු ඇතැයි අපේක්ෂා කෙරේ. දිවා රාත්රී දෙකේම ක්රියාත්මක වීමට නියමිත මෙම වෙළඳ මධ්යස්ථාන හරහා ප්රදේශයේ ආර්ථිකය ශක්තිමත් කිරීමට හැකි වන බව සභාපතිවරයා වැඩිදුරටත් අවධාරණය කළේය.
