පෘතුගාල විදේශ අමාත්ය පවුලෝ රැන්ගල් (Paulo Rangel) මහතා දෙදින නිල සංචාරයක් සඳහා අද (24) පෙරවරුවේ කටුනායක බණ්ඩාරනායක ජාත්යන්තර ගුවන් තොටුපොළින් දිවයිනට පැමිණියේය. අමාත්යවරයා සමඟ පෘතුගාල විදේශ කටයුතු අමාත්යාංශයේ උසස් නිලධාරීන් සිව්දෙනෙකුගෙන් සමන්විත දූත පිරිසක් ද මෙම සංචාරයට එක්ව සිටිති.
ගුවන් තොටුපොළ විශේෂ අමුත්තන්ගේ මැදිරියේදී දූත පිරිස පිළිගැනීම සඳහා වරාය සහ සිවිල් ගුවන් සේවා නියෝජ්ය අමාත්ය ජනිත් රුවන් කොඩිතුවක්කු මහතා සහ ශ්රී ලංකා විදේශ කටයුතු අමාත්යාංශයේ නිලධාරීන් පිරිසක් සහභාගී වූහ. මෙම සංචාරය දෙරට අතර පවතින රාජ්යතාන්ත්රික සබඳතා තවදුරටත් ශක්තිමත් කරගැනීම සහ වෙළඳ, ආර්ථික හා සංස්කෘතික සහයෝගීතාව වර්ධනය කරගැනීම අරමුණු කරගත් එකකි.
පෘතුගාල විදේශ අමාත්යවරයා සිය සංචාරය අතරතුරදී ජනාධිපති අනුර කුමාර දිසානායක මහතා, අග්රාමාත්යවරිය සහ විදේශ කටයුතු අමාත්යවරයා සමඟ ද්විපාර්ශ්වික සාකච්ඡා පැවැත්වීමට නියමිතය. විශේෂයෙන්ම ඓතිහාසික සබඳතා මත පදනම් වූ සංචාරක සහ අධ්යාපන ක්ෂේත්රවල නව අවස්ථා පිළිබඳව මෙහිදී විශේෂ අවධානයක් යොමු කෙරෙනු ඇතැයි අපේක්ෂා කෙරේ.
