ඇමෙරිකානු රජය විසින් සියලුම ආනයනික භාණ්ඩ සඳහා පනවනු ලැබූ නව 10%ක ගෝලීය තීරුබදු (Global Tariff) අද (2026 පෙබරවාරි 24) සිට නිල වශයෙන් ක්රියාත්මක කිරීම ආරම්භ කර තිබේ. මෙය මීට පෙර ජනාධිපති ඩොනල්ඩ් ට්රම්ප් විසින් ප්රකාශ කරන ලද 15%ක බදු සීමාවට වඩා අඩු අගයක් ගැනීම විශේෂත්වයකි.
පසුගිය පෙබරවාරි 20 වන සිකුරාදා ඇමෙරිකානු ශ්රේෂ්ඨාධිකරණය විසින් ජනාධිපතිවරයා මීට පෙර පනවා තිබූ තීරුබදු නීතිවිරෝධී බවට තීන්දු කිරීමත් සමඟ මෙම නව පියවර ගෙන ඇත. ශ්රේෂ්ඨාධිකරණ තීන්දුවෙන් පසු ඇමෙරිකානු රේගුව (CBP) විසින් අද මධ්යම රාත්රියේ සිට මෙම නව 10%ක බද්ද අය කිරීම ආරම්භ කර ඇති අතර, එය 1974 වෙළෙඳ පනතේ 122 වැනි වගන්තිය යටතේ ක්රියාත්මක වේ.
මෙම 122 වැනි වගන්තිය යටතේ පනවනු ලබන බදු උපරිම දින 150ක කාලයකට පමණක් සීමා වන අතර, එය දීර්ඝ කිරීමට නම් ඇමෙරිකානු කොන්ග්රස් මණ්ඩලයේ අනුමැතිය අවශ්ය වේ. කෙසේ වෙතත්, අත්යවශ්ය ඖෂධ, බලශක්ති නිෂ්පාදන, ඇතැම් කෘෂිකාර්මික භාණ්ඩ සහ කැනඩාව හා මෙක්සිකෝවෙන් ආනයනය කරන භාණ්ඩ මෙම බද්දෙන් නිදහස් කර තිබීම පාරිභෝගිකයින්ට යම් සහනයක් වනු ඇතැයි අපේක්ෂා කෙරේ.
