රට තුළ සීඝ්රයෙන් වර්ධනය වන මනුෂ්ය ඝාතන රැල්ල පාලනය කිරීමට අපොහොසත් වීම හේතුවෙන් මහජන ආරක්ෂක අමාත්යවරයා සහ පොලිස්පතිවරයා වහාම තනතුරුවලින් ඉල්ලා අස්විය යුතු බව පිවිතුරු හෙළ උරුමයේ නායක උදය ගම්මන්පිල මහතා අවධාරණය කරයි. ‘මහජන හඬ’ විපක්ෂ දේශපාලන එකමුතුව වෙනුවෙන් නිවේදනයක් නිකුත් කරමින් ඔහු පෙන්වා දෙන්නේ, මෑතකදී සිදු වූ නීතිඥවරයෙකු සහ ඔහුගේ බිරිඳගේ ඝාතනය ඇතුළු දම්වැල් පුරුක් ලෙස සිදුවන වෙඩි තැබීම් හමුවේ ජනතාව දැඩි අනාරක්ෂිත භාවයකට පත්ව ඇති බවයි. වත්මන් මාලිමා රජය ජනතාවගේ ජීවත්වීමේ අයිතිය තහවුරු කිරීමට අසමත්ව ඇති බවත්, පොලිසිය දේශපාලන උවමනා මත පක්ෂග්රාහීව කටයුතු කරන බවත් ඔහු චෝදනා කරයි.
