ලෝක වෙළඳපොළේ රන් මිල ගණන් සැලකිය යුතු ලෙස පහළ ගොස් ඇති බව ජාත්යන්තර මූල්ය වාර්තා අනාවරණය කරයි. ඒ අනුව අද (26) පෙරවරුවේ රන් අවුන්සයක මිල අමෙරිකානු ඩොලර් 5,167 ක් ලෙස සටහන් වූ අතර, එය ඊයේ (25) පැවති ඩොලර් 5,212 ක අගයට සාපේක්ෂව ඩොලර් 45 ක පමණ පහත වැටීමකි. පසුගිය ජනවාරි මාසයේදී රන් අවුන්සයක මිල ඩොලර් 5,500 සීමාව ඉක්මවා යමින් ඓතිහාසික වාර්තා තැබූ නමුත්, මේ වන විට එම මිල ක්රමයෙන් ස්ථාවර වෙමින් පවතින බව පෙනෙන්නට තිබේ.
ලෝක වෙළඳපොළේ සිදුවන මෙම මිල පහළ යාම මෙරට රන් වෙළඳපොළට ද සෘජුව බලපාන අතර, අද වන විට ශ්රී ලංකාව තුළ 22 කැරට් රන් පවුමක මිල රුපියල් 416,250 ක් ලෙසත්, 24 කැරට් රන් පවුමක මිල රුපියල් 454,050 ක් ලෙසත් සටහන් වන බව වෙළඳපොළ ආරංචි මාර්ග පවසයි. ගෝලීය ආර්ථික තත්ත්වයන් සහ අමෙරිකානු ඩොලරයේ අගයෙහි සිදුවන වෙනස්වීම් මත රන් මිල තවදුරටත් උච්චාවචනය විය හැකි බව ආර්ථික විශ්ලේෂකයෝ පෙන්වා දෙති.
