අද (26) දින පුවක්පිටිය තුම්මෝදර ප්රදේශයේදී පෞද්ගලික මගී ප්රවාහන බස් රථයක පිටුපස ශ්රී ලංකා ගමනාගමන මණ්ඩලයට (ලංගම) අයත් බස් රථයක් ගැටීමෙන් මාර්ග අනතුරක් සිදුව තිබේ. මෙම ප්රබල ගැටීම හේතුවෙන් බස් රථ දෙකටම දැඩි අලාභහානි සිදුව ඇති අතර ලංගම බස් රථයේ ඉදිරිපස කොටසට සහ පෞද්ගලික බස් රථයේ පිටුපස කොටසට බරපතල හානි සිදුව ඇති බව ඡායාරූප මගින් තහවුරු වේ.
මෙම අනතුර සිදුවන අවස්ථාවේදී බස් රථ දෙකෙහිම මගීන් ගමන් කරමින් සිට ඇති අතර අනතුරෙන් සිදුවූ ජීවිත හානි හෝ තුවාල ලැබූවන් පිළිබඳ නිශ්චිත තොරතුරු මෙතෙක් වාර්තා වී නොමැත. ප්රදේශවාසීන් පවසන්නේ අධික වේගය හෝ නොසලකා හැරීම මෙම අනතුරට හේතුවන්නට ඇති බවයි.
මාර්ග ආරක්ෂාව පිළිබඳ රියදුරන් දැනුවත් කිරීම සඳහා මෙම අනතුරෙහි ඡායාරූප ප්රසිද්ධ කර ඇති අතර ආරක්ෂාකාරී රිය පැදවීමක් තුළින් මාර්ග අනතුරු රහිත සමාජයක් බිහිකිරීමට සියලු දෙනා වගබලා ගත යුතුය. මෙම අනතුර සම්බන්ධයෙන් පොලිසිය වැඩිදුර විමර්ශන පවත්වාගෙන යනු ලබයි.
