ඉරාන ඉස්ලාමීය ජනරජයේ ආණ්ඩුක්රම ව්යවස්ථාවට අනුව, උත්තරීතර නායකයෙකු අභාවයට පත්වූ විට බල හිස්තැනක් ඇතිවීම වැළැක්වීම සඳහා වහාම ක්රියාත්මක වන පරිදි ‘තාවකාලික නායකත්ව කවුන්සිලයක්’ (Provisional Leadership Council) පිහිටුවනු ලැබේ. මෙම කවුන්සිලය මෙහෙයවනු ලබන්නේ වත්මන් ජනාධිපතිවරයා, අධිකරණ ප්රධානී (අගවිනිසුරු) සහ භාරකාර මණ්ඩලයේ (Guardian Council) එක් ඉස්ලාමීය නීති විශාරදයෙකු (Faqih) විසිනි. ස්ථිර නායකයෙකු පත් කරන තෙක් උත්තරීතර නායකයාගේ සියලු වගකීම් සහ බලතල මෙම තාවකාලික කවුන්සිලය සතු වේ.
ස්ථිර අනුප්රාප්තිකයෙකු තෝරා ගැනීමේ පූර්ණ බලය පවතින්නේ ‘විශේෂඥ මණ්ඩලය’ (Assembly of Experts) සතු වන අතර, ඔවුන් හැකි ඉක්මනින් රැස්වී නව නායකයා තෝරා ගත යුතුය. එහිදී යුක්තිය, භක්තිය, ඉස්ලාමීය ශික්ෂණය, දේශපාලන සහ සමාජීය අවබෝධය මෙන්ම පරිපාලන හැකියාවන්ගෙන් යුත් සුදුසුකම් ලත් ඉස්ලාමීය නීති විශාරදයෙකු තෝරා ගනු ලැබේ. මෙම විශේෂඥ මණ්ඩලය මගින් තෝරා ගන්නා නව නායකයා සිය ජීවිත කාලය පුරාම එම ධුරය දැරීමට සුදුසුකම් ලබන අතර, ඔහු ධුරයට නුසුදුසු බව විශේෂඥ මණ්ඩලය විසින් තීරණය කළහොත් පමණක් ඔහුට එම ධුරය අහිමි වනු ඇත.
