එක්සත් අරාබි එමීර් රාජ්යයේ පිහිටි Amazon Web Services (AWS) දත්ත මධ්යස්ථානයක් වෙත නාඳුනන වස්තූන් පතිත වීමෙන් හටගත් ගින්නක් හේතුවෙන් එහි සේවාවන්ට බාධා එල්ල වී තිබේ.
මෙම අනපේක්ෂිත සිදුවීම ඩුබායි වේලාවෙන් ඉරිදා (01) සවස 4:30 ට පමණ වාර්තා වී ඇත. දත්ත මධ්යස්ථානයට එල්ල වූ ප්රහාරයත් සමඟ එහි දරුණු ගින්නක් හටගෙන තිබේ.
ගින්න පාලනය කිරීම සඳහා එම ස්ථානයට පැමිණි හදිසි සහන සේවා කණ්ඩායම් විසින් මධ්යස්ථානයේ ප්රධාන විදුලි සැපයුම මෙන්ම විදුලි ජනක යන්ත්ර (Generators) ද ක්රියා විරහිත කිරීමට පියවර ගෙන ඇත. මේ හේතුවෙන් කලාපයේ AWS සේවාවන් ලබා ගන්නා ආයතන රැසකට විදුලි බිඳ වැටීම් සහ සේවා ඇනහිටීම්වලට මුහුණ දීමට සිදු විය.
AWS සමාගම සිය “Health Dashboard” හරහා නිවේදනය කර ඇත්තේ ගින්න පාලනය කර සේවාවන් යථා තත්ත්වයට පත් කිරීමට කටයුතු කරමින් සිටින බවයි. මැදපෙරදිග පවතින උණුසුම් යුදමය වාතාවරණය හමුවේ මෙම ප්රහාරය එල්ල වී ඇති බව පෙනී යයි.
