ඉරානය විසින් එල්ල කරන ලද ප්රබල මිසයිල සහ ඩ්රෝන ප්රහාර මාලාවත් සමඟ ඩුබායි නගරයේ අහස කළු දුමාරයෙන් වැසී ඇති බව නවතම චන්ද්රිකා ඡායාරූප මගින් අනාවරණය වේ. අමෙරිකානු සහ ඊශ්රායල ප්රහාරවලින් ඉරාන උත්තරීතර නායක අයතුල්ලා අලි කමේනි ඇතුළු ජ්යෙෂ්ඨ නිලධාරීන් මියයාමට ප්රතිචාර ලෙස ඉරානය මෙම ප්රහාර එල්ල කර තිබේ.
පෙබරවාරි 24 වනදා පැහැදිලි අහසක් සහිතව දිස්වූ ඩුබායි නගරයේ අහස, මාර්තු 1 වනදා වන විට කළු දුම් වළාවන්ගෙන් පිරී පවතින අයුරු රොයිටර් පුවත් සේවය මගින් ප්රසිද්ධ කරන ලද චන්ද්රිකා ඡායාරූපවල දැක්වේ. විශේෂයෙන්ම වෙරළබඩ කලාප සහ ප්රධාන ප්රවාහන මධ්යස්ථාන ආසන්නයේ මෙම තත්ත්වය දරුණු ලෙස දක්නට ලැබේ.
ඉරානය විසින් එල්ල කළ සිය ගණනක ඩ්රෝන සහ මිසයිල ප්රහාරවලින් බොහොමයක් ගුවන් ආරක්ෂක පද්ධති මගින් විනාශ කළ ද, ඒවායේ සුන්බුන් පතිත වීමෙන් ඩුබායි හි ස්ථාන කිහිපයක ගිනි ගැනීම් හටගෙන තිබේ. ලොව සුප්රසිද්ධ බර්ජ් අල් අරාබි (Burj Al Arab) හෝටලය සහ පාම් ජුමෙයිරා (Palm Jumeirah) දූපත් සමූහය ආසන්නයේ ද මෙලෙස දුම් වළාවන් දක්නට ලැබෙන බව වාර්තා වේ.
ප්රහාරයන්ගෙන් නගරයට පුළුල් විනාශයක් සිදුව නොමැති වුවද, කාර්මික කලාප සහ සැපයුම් මධ්යස්ථාන ඉලක්ක කර ගත් හානිය පැහැදිලිවම දැකගත හැකිය.
