යාල වනෝද්යානයේ වන්දම ප්රදේශයේ සිදු කරන ලද විශේෂ මෙහෙයුමකින් රුපියල් ලක්ෂ පනහකට අධික වටිනාකමකින් යුතු ගංජා සහ ගිනි අවියක් සමඟ පුද්ගලයෙකු අත්අඩංගුවට ගැනීමට බුත්තල පොලිසිය සමත් වී තිබේ.
බුත්තල පොලිස් නිලධාරීන් විසින් සිදු කළ මෙම වැටලීමේදී ඉතා සරුවට වගා කර තිබූ ගංජා හේනක් සොයාගෙන ඇති අතර එහි ගංජා ගස් 13,500ක් පමණ තිබී ඇත. පොලිසිය පවසන පරිදි එම ගංජා තොගයේ වටිනාකම රුපියල් ලක්ෂ පනහකට අධිකය.
අත්අඩංගුවට ගත් සැකකරු සන්තකයේ තිබී මෙරට නිෂ්පාදිත ගිනිඅවියක් ද පොලිස් භාරයට ගෙන තිබේ. සැකකරු කුඩාඔය ප්රදේශයේ පදිංචිකරුවෙකු වන අතර ඔහු වැල්ලවාය මහේස්ත්රාත් අධිකරණයට ඉදිරිපත් කිරීමට නියමිතය.
වැටලීමෙන් පසු සොයාගත් සියලුම ගංජා ගස් ගිනි තබා විනාශ කර ඇති අතර බුත්තල පොලිස් ස්ථානය මගින් මේ පිළිබඳ වැඩිදුර විමර්ශන සිදු කරනු ලබයි.
