මැදපෙරදිග කලාපයේ වේගයෙන් ව්යාප්ත වන යුදමය වාතාවරණය හමුවේ ගල්ෆ් රටවල වෙසෙන බ්රිතාන්ය ජාතිකයන් 300,000කට අධික පිරිසකගේ ආරක්ෂාව පිළිබඳව බරපතල ගැටලුවක් මතු වී තිබේ. බ්රිතාන්ය විදේශ ලේකම් වෙට් කූපර් (Yvette Cooper) සඳහන් කරන්නේ පවතින තත්ත්වය ඉතා “පීඩාකාරී” වන අතර ඔවුන් මුදාගැනීම සඳහා රජය උපරිම උත්සාහයක නිරත වන බවයි.
ගල්ෆ් කලාපයේ සිටින බ්රිතාන්ය වැසියන්ගෙන් 102,000ක් මේ වන විටත් විදේශ කාර්යාලය (Foreign Office) වෙත සිය තොරතුරු ලබා දී ලියාපදිංචි වී ඇති අතර, ඔවුන් වෙත සෘජුවම ආරක්ෂක උපදෙස් ලබා දීමට පියවර ගෙන තිබේ. සෙසු පිරිස ද වහාම ලියාපදිංචි වන ලෙස රජය ඉල්ලා සිටී.
බොහෝ මැදපෙරදිග රටවල් සිය ගුවන් කලාප වසා දැමීම නිසා මෙම පිරිසට නැවත බ්රිතාන්යය බලා පැමිණීමට දැඩි බාධා එල්ල වී ඇත. මේ හේතුවෙන් සයිප්රස්හි පිහිටි අක්රොටිරි බ්රිතාන්ය ගුවන් හමුදා කඳවුර හරහා හෝ නාවික හමුදා නෞකා මගින් ඔවුන් ඉවත් කරගැනීමේ විකල්ප මාර්ග පිළිබඳව බ්රිතාන්ය රජයේ දැඩි අවධානය යොමුව තිබේ.
අත්යවශ්ය නොවන සියලු සංචාර වහාම නතර කරන ලෙසත්, දැනට කලාපයේ සිටින පිරිස් ආරක්ෂිත ස්ථානවල රැඳී සිටින ලෙසත් විදේශ ලේකම්වරිය අවධාරණය කළාය. තත්ත්වය තවදුරටත් දරුණු වුවහොත් හමුදාමය මැදිහත්වීමකින් තම වැසියන් ඉවත් කරගැනීමට බ්රිතාන්යය සූදානම් බව වාර්තා වේ.
