එළඹෙන මාර්තු 13 වැනිදා එක්සත් අරාබි එමීර් රාජ්යයේ (UAE) සාජා සහ ඩුබායි හිදී ආරම්භ වීමට නියමිතව තිබූ ශ්රී ලංකා – ඇෆ්ගනිස්තාන සීමිත පන්දු වාර ක්රිකට් තරගාවලිය, කලාපයේ පවතින උග්ර යුදමය තත්ත්වය හේතුවෙන් අවලංගු වීමේ හෝ කල්යාමේ දැඩි අවදානමකට ලක්ව තිබේ. ශ්රී ලංකා ක්රිකට් ආයතනයේ ප්රධාන විධායක නිලධාරී ඈෂ්ලි ද සිල්වා මහතා අද (02) ප්රකාශ කළේ පවතින ආරක්ෂක තත්ත්වය පිළිබඳව දැඩි අවධානයෙන් පසුවන බවයි.
ශ්රී ලංකා සංචාරක කණ්ඩායම ලබන 10 වැනිදා කොළඹින් පිටත්ව යාමට නියමිතව තිබුණ ද, එම තීරණය මෙතෙක් ස්ථිර කර නැත. එක්සත් අරාබි එමීර් රාජ්යයේ ගුවන් කලාප වසා තැබීම සහ ආරක්ෂක තර්ජන පිළිබඳව සලකා බලා, තරගාවලිය UAE හි පැවැත්වීමට නොහැකි වුවහොත් එය ශ්රී ලංකාවේ පැවැත්වීමට හෝ පසුවට කල් දැමීමට ඇෆ්ගනිස්තාන ක්රිකට් පාලක මණ්ඩලය සමඟ මේ වන විට සාකච්ඡා පවත්වමින් සිටී.
මෙම තරගාවලියට විස්සයි-20 තරග 3ක් (මාර්තු 13, 15, 17 සාජා හිදී) සහ එක්දින තරග 3ක් (මාර්තු 20, 22, 25 ඩුබායි හිදී) ඇතුළත් වේ. දෙරට අතර පැවැත්වෙන ප්රථම ද්විපාර්ශ්වික තරගාවලිය මෙය බැවින් එය ඉතා වැදගත් වන නමුත්, ක්රීඩකයන්ගේ ආරක්ෂාව ප්රමුඛතාවය බව ශ්රී ලංකා ක්රිකට් ආයතනය අවධාරණය කරයි.
