තමා සමඟ පෞද්ගලික වෛරයකින් පසුවන පොලිස් නිලධාරියෙකු විසින් සැලසුම් සහගතව සිදුකළ මඩ ගැසීමේ ව්යාපාරයකට තමා ගොදුරු වූ බවට කාන්තා පොලිස් නිලධාරිනියක් චෝදනා කරයි. 14 හැවිරිදි දරුවෙකු සමඟ සබඳතාවක් පැවැත්වූ බවට පතුරුවා හරින ලද අසත්ය ප්රචාරය, අදාළ නිලධාරියා තමාගෙන් පළිගැනීම සඳහා නිර්මාණය කරන ලද්දක් බව ඇය අවධාරණය කර සිටියි.
මෙම සිද්ධියේ වඩාත්ම කණගාටුදායක තත්ත්වය වන්නේ, එම අසත්ය පුවත සමාජගත කිරීම සඳහා ඇයගේම 9 හැවිරිදි දරුවාගේ වීඩියෝ දර්ශනයක් පවා උපයෝගී කරගෙන තිබීමයි. තම වෘත්තීය මට්ටමේ පවතින අමනාපකම් පිරිමසා ගැනීමට දරුවන් පවා පාවිච්චි කරමින් සිදුකරන මෙවැනි නින්දිත ක්රියාවන් මගින් අදාළ කාන්තාවට සහ ඇයගේ පවුලට සිදුකර ඇති මානසික හානිය අතිමහත්ය.
මෙම පුවත වාර්තා කිරීමේදී අදාළ කාන්තාව මුහුණ දුන් අගතිය සහ අපහසුතාවය පිළිබඳව අපි අපගේ බලවත් කණගාටුව පළ කර සිටිමු. පුද්ගලික පළිගැනීම් සඳහා කාන්තාවකගේ ගෞරවයට හානි කිරීම සහ බාලවයස්කාර දරුවන්ගේ දර්ශන දඩමීමා කර ගැනීම කිසිසේත්ම අනුමත කළ නොහැකි සාපරාධී ක්රියාවකි.
