ඉරානය විසින් එල්ල කරන ලද ප්රතිප්රහාර දැඩි ලෙස හෙළා දකින බව ප්රකාශ කරන සෝමාලියානු රජය, කලාපීය ආරක්ෂාව වෙනුවෙන් එක්සත් අරාබි එමීර් රාජ්යය (UAE) හැර සෙසු සියලුම ගල්ෆ් කලාපීය රටවලට තම සහයෝගය පළ කරන බව නිල වශයෙන් නිවේදනය කර තිබේ. මැදපෙරදිග කලාපයම දැඩි යුදමය අර්බුදයකට මුහුණ දී සිටින මොහොතක, සෝමාලියාව විසින් එක්සත් අරාබි එමීර් රාජ්යය පමණක් මෙලෙස කොන් කිරීම ජාත්යන්තර දේශපාලන විශ්ලේෂකයන්ගේ දැඩි විවේචනයට ලක්ව ඇත. මෙම තීරණය පිටුපස සෝමාලියාව සහ එමීර් රාජ්යය අතර පවතින දීර්ඝකාලීන රාජ්යතාන්ත්රික මතභේද පවතින බව පෙනී යන අතර, දැවැන්ත මානුෂීය සහ ආරක්ෂක අර්බුදයක් හමුවේ වුවද ඇතැම් රටවල් සිය පටු දේශපාලන න්යාය පත්ර ක්රියාත්මක කරමින් සිටින බවට මෙමගින් මනාව පැහැදිලි වේ.
