යාපනය, මරුදනාමඩම් මංසන්ධියේ පිහිටි ඉන්ධන පිරවුම්හලක පෝලිමේ රැඳී සිටි යතුරුපැදියක් හදිසියේම ගිනි ගැනීමට ලක්ව ඇති බව වාර්තා වේ. පොලිසිය සඳහන් කරන්නේ අදාළ යතුරුපැදියට සම්පූර්ණයෙන්ම ඉන්ධන පුරවා ගැනීමෙන් අනතුරුව එය පණගැන්වීමට යාමේදී මෙම ගින්න හටගෙන ඇති බවයි. ඉන්ධන පෝලිම් පවතින උණුසුම් වාතාවරණය මැද සිදුවූ මෙම අනපේක්ෂිත සිදුවීමත් සමඟ පිරවුම්හල අසල සිටි පිරිස කලබලයට පත්ව ඇති අතර, ගින්න පාලනය කිරීමට පියවර ගෙන තිබේ. වාහනවලට ඉන්ධන ලබාගැනීමේදී සහ ඉන් අනතුරුව පණගැන්වීමේදී වඩාත් සැලකිලිමත් වන ලෙස ආරක්ෂක අංශ මේ හරහා මහජනතාවට අනතුරු අඟවයි.
