ඊශ්රායල අග්රාමාත්ය බෙන්ජමින් නෙතන්යාහුගේ කාර්යාලය සහ ඊශ්රායල ගුවන් හමුදා මූලස්ථානය ඉලක්ක කර ගනිමින් තමන් සාර්ථක මිසයිල ප්රහාර මාලාවක් එල්ල කළ බව ඉරාන විප්ලවීය බලකාය (IRGC) නිවේදනය කර තිබේ. ඉරානයේ ‘ෆාර්ස්’ (Fars) පුවත් ඒජන්සිය වාර්තා කරන පරිදි, මෙම ප්රහාරය සඳහා ඉරානය විසින්ම නිෂ්පාදනය කරන ලද නවීන ‘කෙයිබර්’ (Kheibar) වර්ගයේ මිසයිල භාවිතා කර ඇති අතර, ඊශ්රායල පාලන තන්ත්රයේ ප්රධාන මර්මස්ථාන වෙත දැඩි හානි පැමිණවීම මෙහි අරමුණ වී ඇත.
මෙම ප්රහාරය සම්බන්ධයෙන් ඊශ්රායල ආරක්ෂක අංශ මෙතෙක් නිල වශයෙන් හානිය පිළිබඳ තොරතුරු අනාවරණය කර නොමැති වුවද, ජෙරුසලම සහ ටෙල් අවිව් නගර අවට ප්රදේශවල ප්රබල පිපිරීම් හඬ ඇසුණු බව විදෙස් මාධ්ය වාර්තා කරයි. ඉරාන ආරක්ෂක අංශ පවසන්නේ මෙය ඊශ්රායලය විසින් මෑතකදී සිදුකළ ඝාතන සහ ප්රහාරයන්ට එරෙහිව දියත් කළ සෘජු ප්රතිප්රහාරයක් බවයි. කලාපීය යුද්ධය තවදුරටත් තීව්ර කරමින් එල්ල වූ මෙම ප්රහාරයත් සමඟ ඊශ්රායලයේ ගුවන් ආරක්ෂක පද්ධතිවල ක්රියාකාරිත්වය පිළිබඳව ද මේ වන විට ජාත්යන්තරයේ දැඩි අවධානයක් යොමු වී තිබේ.
