ආරක්ෂිත කලාප වෙතලෙබනනයේ හිස්බුල්ලා මධ්යස්ථාන ඉලක්ක කර ගනිමින් ඊශ්රායලය එල්ල කරන ප්රහාර දරුණු වීමත් සමඟ බිරූට් අගනුවර ඇතුළු අනතුරුදායක ප්රදේශවල රැඳී සිටි ශ්රී ලාංකිකයන් 19 දෙනෙකු වහාම ආරක්ෂිත කලාප වෙත යොමු කිරීමට පියවර ගත් බව එරට ශ්රී ලංකා තානාපති කාර්යාලය පවසයි. ඊශ්රායලය සහ අමෙරිකාව එක්ව ඉරානයට එල්ල කළ ප්රහාරවලට ප්රතිචාර වශයෙන් උද්ගත වූ මෙම යුදමය වාතාවරණය මේ වන විට ඉතා සංකීර්ණ මට්ටමකට පැමිණ ඇති අතර බිරූට් නුවර දකුණු තදාසන්න ප්රදේශ ඉලක්ක කර ගනිමින් එල්ල වූ ගුවන් ප්රහාර හේතුවෙන් පුද්ගලයින් 31 දෙනෙකු ජීවිතක්ෂයට පත්ව තවත් 149 දෙනෙකු තුවාල ලබා ඇති බව ලෙබනන් රාජ්ය ප්රවෘත්ති ඒජන්සිය තහවුරු කරයි. හිස්බුල්ලා පාලනය යටතේ පවතින ප්රදේශ ඉලක්ක කර ගනිමින් ඊශ්රායලය නොනවත්වා ප්රහාර එල්ල කරන බැවින් ලෙබනනයේ වෙසෙන අනෙකුත් ශ්රී ලාංකිකයන්ට ද දැඩි අවධානයෙන් පසුවන ලෙසත් හදිසි අවස්ථාවකදී තානාපති කාර්යාලය අමතන ලෙසත් උපදෙස් දී තිබේ. රොයිටර් පුවත් සේවය වාර්තා කරන පරිදි බිරූට් නගරය ආශ්රිතව තවමත් ගුවන් ප්රහාරක සීරුවෙන් තැබීමේ සංඥා නිකුත් වෙමින් පවතින අතර ප්රදේශය පුරා ඝන කළු දුමාරයක් පැතිර පවතින අයුරු දැකගත හැකිය.
