මැදපෙරදිග කලාපයේ උද්ගතව ඇති යුදමය වාතාවරණය තවදුරටත් උණුසුම් කරමින්, ඉරානයේ සිට තම ගුවන් සීමාව ආක්රමණය කිරීමට පැමිණි ඉරාන ප්රහාරක යානා (Fighter Jets) දෙකක් සාර්ථකව බිම හෙළීමට කටාර් ආරක්ෂක අංශ සමත් වී තිබේ. කටාර් ආරක්ෂක අමාත්යාංශය උපුටා දක්වමින් අල්ජසීරා පුවත් සේවය වාර්තා කරන්නේ ඉරානය විසින් එල්ල කරන ලද බැලිස්ටික් මිසයිල (Ballistic Missiles) හතක් සහ ඩ්රෝන යානා (Drones) පහක් ද ගුවනේදීම විනාශ කිරීමට (Intercept) කටාර් ගුවන් ආරක්ෂක පද්ධති සමත් වූ බවයි.
මෙම ප්රහාරයත් සමඟ කටාර් රාජ්යය සිය ආරක්ෂාව උපරිම මට්ටමකට නංවා ඇති අතර, තම ස්වෛරීභාවයට එල්ල වන ඕනෑම තර්ජනයකට දැඩි ලෙස ප්රතිචාර දක්වන බව ද නිවේදනය කර ඇත. මීට පෙර ඉරානය සමඟ සමීප සබඳතා පැවැත්වූ කටාර් රාජ්යය සහ ඉරානය අතර මෙවැනි සෘජු ගැටුමක් ඇතිවීම කලාපීය දේශපාලනයේ දැවැන්ත පෙරළියක් ලෙස විචාරකයෝ පෙන්වා දෙති. විශේෂයෙන්ම කටාර්හි පිහිටි අමෙරිකානු හමුදා කඳවුරු ඉලක්ක කර ගනිමින් මෙම ප්රහාරය එල්ල වන්නට ඇති බවට සැක කෙරෙන අතර, මෙම තත්ත්වය හමුවේ දෝහා ඇතුළු ප්රධාන නගරවල ආරක්ෂාව දැඩි කර තිබේ.
