2026 වර්ෂයේදී ශ්රී ලංකාවට දර්ශනය වන එකම චන්ද්රග්රහණය අද (03) රාත්රියේ අහසේ දැකගත හැකි බව තාරකා විද්යාඥයින් පවසති. මෙය ලෝකයට පූර්ණ චන්ද්රග්රහණයක් වුවද, ශ්රී ලංකාවට දිස්වන්නේ එහි අවසාන කොටස පමණි.
අද පස්වරු 6:21 සිට ශ්රී ලංකාවාසීන්ට මෙම චන්ද්රග්රහණය නිරීක්ෂණය කිරීමේ අවස්ථාව උදා වේ.
පස්වරු 6:21 ට නැගෙනහිර ක්ෂිතිජයෙන් සඳ උදාවන විට, එහි කොටසක් පෘථිවියේ සෙවනැල්ලෙන් වැසී පවතිනු ඇත. මේ නිසා ශ්රී ලාංකිකයින්ට මෙය අර්ධ චන්ද්රග්රහණයක් ලෙස දර්ශනය වන අතර, ග්රහණයේ අවසාන අවධිය පමණක් දැකගත හැකි වනු ඇත.
මෙය 2026 වසර තුළ ශ්රී ලංකාවට දර්ශනය වන එකම චන්ද්රග්රහණය වීම විශේෂත්වයකි. බොහෝ ප්රදේශවල පවතින වියළි කාලගුණය හේතුවෙන් අහස පැහැදිලිව පැවතුණහොත් මෙය ඉතා හොඳින් නිරීක්ෂණය කිරීමට හැකි වනු ඇත.
