මැදපෙරදිග කලාපයේ පවතින උග්ර යුදමය නොසන්සුන්තාවය හමුවේ, හෝමූස් සමුද්ර සන්ධිය වසා දමන බවටත් ඒ හරහා ගමන් කිරීමට උත්සාහ කරන නෞකාවලට පහර දෙන බවටත් ඉරානය අද (03) බරපතල අනතුරු ඇඟවීමක් නිකුත් කර තිබේ.
ඇමෙරිකානු සහ ඊශ්රායල ඉලක්ක වෙත එල්ල කරන පළිගැනීමේ ප්රහාර මාලාවක කොටසක් ලෙස ඉරානය මෙම පියවර ගෙන ඇත. හෝමූස් සමුද්ර සන්ධිය යනු ලෝකයේ සමස්ත තෙල් පරිභෝජනයෙන් 20%කට අධික ප්රමාණයක් ප්රවාහනය කෙරෙන ප්රධානතම මුහුදු මාර්ගයයි.
පර්සියානු ගල්ෆ් කලාපය සහ ඕමාන් බොක්ක යා කරන මෙම පටු මුහුදු තීරය හරහා සෞදි අරාබිය, ඉරාකය, එක්සත් අරාබි එමීර් රාජ්යය සහ කුවේට් යන රටවල බොරතෙල් ලෝක වෙළඳපොළට අපනයනය කෙරේ. මෙය වසා දැමීම හෝ ප්රහාර එල්ල කිරීම ලෝක බලශක්ති සැපයුම මුළුමනින්ම අඩාල කිරීමට සමත් වන්නකි.
මෙම අනතුරු ඇඟවීමත් සමඟ ලෝක වෙළඳපොළේ බොරතෙල් මිල (Brent Crude) සීඝ්රයෙන් ඉහළ යාමේ අවදානමක් පවතින අතර, එය ශ්රී ලංකාව වැනි ආනයනික ඉන්ධන මත යැපෙන රටවලට ද සෘජුව බලපානු ඇත.
