ලෝකයේ ප්රධානතම තෙල් ප්රවාහන මාර්ගයක් වන හෝමුස් සමුද්ර සන්ධිය හරහා ගමන් කරමින් තිබූ දැවැන්ත තෙල් නැව් හතරක් ඉලක්ක කර ගනිමින් එල්ල වූ ප්රහාරවලින් එම නැව් විනාශ වී ඇති බව විදෙස් මාධ්ය වාර්තා කරනවා. මෙම අනපේක්ෂිත ප්රහාරයත් සමඟ ලෝක වෙළඳපොළේ බොරතෙල් මිල සීඝ්රයෙන් ඉහළ ගොස් ඇති අතර, බ්රෙන්ට් බොරතෙල් බැරලයක මිල ඩොලර් 82 සීමාව ද ඉක්මවා ගොස් තිබීම විශේෂත්වයක්. ඉරානය විසින් හෝමුස් සමුද්ර සන්ධිය වසා දමන බවට කළ අනතුරු ඇඟවීම් සහ පවතින ආරක්ෂක අවදානම හේතුවෙන් තෙල් සැපයුම් දාමයට දැඩි බාධා එල්ල වී ඇති අතර, මෙය ඉදිරි දින කිහිපය තුළ ගෝලීය ඉන්ධන මිල තවදුරටත් ඉහළ යාමට සෘජුවම බලපානු ඇති බවයි ආර්ථික විශ්ලේෂකයින් පෙන්වා දෙන්නේ.
