ජම්මු-කාශ්මීරයේ පූන්ච් (Poonch) දිස්ත්රික්කයේ සරෝටි (Sarhoti) ගම්මානයෙන් පාකිස්තාන ජාතික ගුවන් සේවයට (Pakistan International Airlines – PIA) අයත් සලකුණු සහිත රතු සහ සුදු පැහැති ගුවන් යානයක හැඩැති බැලුනයක් අද (මාර්තු 03) සොයාගෙන තිබේ. උර්දු භාෂාවෙන් ‘PIA’ යනුවෙන් සඳහන් කර තිබූ මෙම බැලුනය ප්රදේශවාසීන් විසින් දැකීමෙන් අනතුරුව බලධාරීන් දැනුවත් කර ඇති අතර, ධරම්සාල් (Dharamsal) පොලිස් ස්ථානයට අනුයුක්ත නිලධාරීන් වහාම එම ස්ථානයට පැමිණ එය සිය භාරයට ගෙන ඇත. රජෞරි පොලිසිය වැඩිදුරටත් තහවුරු කළේ අදාළ බැලුනය තුළ කිසිදු විද්යුත් හෝ ඉලෙක්ට්රොනික උපාංගයක් සවිකර නොතිබූ බවයි.
පසුගිය පෙබරවාරි මාසයේදී ද උත්තර ප්රදේශ්හි අග්රා (Agra) ගුවන් හමුදා කලාපයක් තුළ මෙවැනිම බැලුනයක් හමුවූ අතර, පෙබරවාරි 23 වන දින ජම්මුහි අක්නූර් (Akhnoor) ප්රදේශයෙන් පාකිස්තාන රුපියල් 5,000ක නෝට්ටුවක් සහ ඇමෙරිකානු ඩොලරයක් සහිත බැලුන් දෙකක් ද හමුවී තිබේ. දේශසීමා ආශ්රිතව නිරන්තරයෙන් මෙවැනි දෑ හමුවීම සම්බන්ධයෙන් ඉන්දීය ආරක්ෂක අංශ දැඩි විමසිල්ලෙන් පසුවෙයි.
