ශ්රී ලංකා සුපිරි ක්රිකට් ක්රීඩක කුමාර් සංගක්කාරගේ ආදරණීය පියාණන් වන ජ්යෙෂ්ඨ නීතිඥ එස්. කේ. සංගක්කාර මහතා අභාවප්රාප්ත වූ බව අද (මාර්තු 03) වාර්තා විය. මහනුවර ප්රදේශයේ ඉතා කීර්තිමත් නීතිඥවරයෙකු වූ ඒ මහතා, වෘත්තීය ජීවිතය තුළ මෙන්ම සමාජ සේවා කටයුතුවලදී ද මහනුවර ජනතාවගේ ඉමහත් ගෞරවාදරයට පාත්ර වූ චරිතයකි.
කුමාර් සංගක්කාරගේ ක්රිකට් දිවියේ සාර්ථකත්වය පිටුපස සිටි දැවැන්තම ශක්තිය වූයේ ද ඔහුගේ පියාණන්ය. සංගක්කාර මහතාගේ අභාවය වෙනුවෙන් මෙරට ක්රිකට් ක්ෂේත්රයේ සහ නීති ක්ෂේත්රයේ ප්රමුඛ පෙළේ පිරිස් සිය ශෝකය පළ කරමින් සිටිති.
දේහය පිළිබඳ අවසන් කටයුතු හෙට, එනම් මාර්තු 04 වන බදාදා පස්වරු 6.00 ට මහනුවර මහයියාව පොදු සුසාන භූමියේදී සිදු කිරීමට නියමිත බව පවුලේ සාමාජිකයෝ නිවේදනය කරති.
