මැදපෙරදිග කලාපයේ උද්ගතව ඇති දරුණු යුදමය වාතාවරණය හේතුවෙන් ශ්රී ලංකාවේ සංචාරක කර්මාන්තය දැඩි අර්බුදයකට මුහුණ දී ඇති බව සංචාරක නියෝජ්ය අමාත්ය රුවන් රණසිංහ මහතා ප්රකාශ කරනවා. විදේශීය සංචාරකයින්ගේ පැමිණීම සීඝ්රයෙන් අඩුවීම හේතුවෙන් මෙරටට සතියකට අමෙරිකානු ඩොලර් මිලියන 10ත් 12ත් අතර විශාල මූල්යමය පාඩුවක් සිදුවෙමින් පවතින බවයි ඔහු පෙන්වා දෙන්නේ. යුද්ධය හේතුවෙන් ගුවන් සීමාවන් වසා තැබීම සහ සංචාරක බිය මෙයට සෘජුවම බලපා ඇති අතර, ලෝක බලශක්ති මිල ඉහළ යාම ද සංචාරක ගමන් බිමන් සීමා වීමට තවත් හේතුවක් වී තිබෙනවා.
කෙසේ වෙතත්, මැදපෙරදිග ගුවන් කලාපය සීමිත කාලසීමාවකට විවෘත වූ අවස්ථාවේ කටුනායක ගුවන් තොටුපොළෙන් ඩුබායි සහ සාජා බලා ගුවන් යානා දෙකක් පිටත්ව ගොස් තිබෙනවා. ෆිට්ස් එයාර් සහ එයාර් ඇරබියා ගුවන් සේවාවන්ට අයත් මෙම යානා මගීන් සහ කාර්ය මණ්ඩලය ද සමඟ ඊයේ පස්වරුවේ මෙලෙස පියාසර කළේ පවතින අවදානම් තත්ත්වය මධ්යයේයි. මේ අතර, යුද තත්ත්වය හේතුවෙන් මෙරට රැඳී සිටින විදේශිකයින් මුහුණ දී ඇති ගැටලු සැලකිල්ලට ගෙන ඔවුන්ගේ වීසා කාලය තවදුරටත් දීර්ඝ කිරීමට රජය තීරණය කර ඇති බව වරාය සහ සිවිල් ගුවන් සේවා අමාත්ය අනුර කරුණාතිලක මහතා තහවුරු කළා.
