ඉරාන ඉස්ලාමීය ජනරජයේ උත්තරීතර නායක අයතුල්ලා අලි කමේනි (Ayatollah Ali Khamenei) වෙනුවෙන් අද (04) ටෙහෙරාන් අගනුවරදී රාජ්ය මට්ටමේ අවමංගල්ය උත්සවයක් පැවැත්වීමට නියමිත බව එරට රාජ්ය මාධ්ය තහවුරු කරයි. පසුගිය සෙනසුරාදා අමෙරිකාව සහ ඊශ්රායලය එක්ව දියත් කළ ‘ඔපරේෂන් එපික් ෆියුරි’ (Operation Epic Fury) ප්රහාර මාලාව අතරතුර කමේනි ජීවිතක්ෂයට පත් වූ බව වාර්තා වේ. වසර 30කට අධික කාලයක් ඉරානයේ පූර්ණ බලය හෙබවූ ඔහුගේ අභාවය, මැදපෙරදිග කලාපයේ පවතින දේශපාලන සහ යුදමය තත්ත්වය තවදුරටත් සංකීර්ණ කිරීමට හේතු වී තිබේ.
මේ අතර, ඉරානයේ මීළඟ උත්තරීතර නායකයා ලෙස අයතුල්ලා අලි කමේනිගේ පුත් මොජ්තාබා කමේනි (Mojtaba Khamenei) පත් කිරීමට නියමිත බව විදෙස් මාධ්ය වාර්තා කරයි. ඉරාන නිලධාරීන් උපුටා දක්වමින් වාර්තා වන්නේ මෙම තීරණාත්මක නිවේදනය අද දිනය තුළදීම ප්රකාශයට පත් කිරීමට ඉඩ ඇති බවයි. මොජ්තාබා කමේනි, ඉරාන ආරක්ෂක අංශ සහ බුද්ධි අංශ තුළ දැඩි බලපෑමක් සහිත අයෙකු ලෙස ප්රකට වන අතර, ඔහුගේ පත්වීම ඉරානයේ ඉදිරි යුදමය තීරණ කෙරෙහි සෘජුවම බලපානු ඇතැයි විචාරකයෝ පවසති.
