මැදපෙරදිග කලාපයේ ඇමෙරිකාව සහ ඉරානය අතර පවතින උග්ර යුදමය ගැටුම් මධ්යයේ වුවද, ලොව ආරක්ෂිතම නගර සහ රටවල් පිළිබඳ නවතම දර්ශකයන් ප්රකාශයට පත් කර තිබේ. සාමාන්යයෙන් ලොව ආරක්ෂිතම නගර ලෙස සැලකෙන ඩුබායි සහ අබුඩාබි වැනි නගර ඉලක්ක කර ගනිමින් පවා ඉරානය විසින් මිසයිල සහ ඩ්රෝන ප්රහාර එල්ල කර ඇති පසුබිමක, ලොව ආරක්ෂිතම රටවල් පිළිබඳව ජනතාව තුළ දැඩි කුතුහලයක් මතු වී ඇත. ඇමෙරිකානු සහ ඊශ්රායල හමුදා ඉරානය තුළ ප්රහාර එල්ල කිරීමට ප්රතිචාර ලෙස ඉරානය ද ගල්ෆ් කලාපයේ රටවල් වෙත සිය ප්රහාර එල්ල කිරීම නිසා මෙම තත්ත්වය තවදුරටත් සංකීර්ණ වී තිබේ.
ලොව ආරක්ෂිතම රටවල් දර්ශකයට අනුව අයිස්ලන්තය (Iceland) ලැයිස්තුවේ ප්රමුඛස්ථානය දිනා ගැනීමට සමත්ව ඇත. මීට අමතරව, එක්සත් අරාබි එමීර් රාජ්යයට (UAE) අයත් නගර තුනක් ද ලොව ආරක්ෂිතම නගර 10 අතරට ඇතුළත් වී තිබීම විශේෂත්වයකි. යුදමය තත්ත්වයන් මධ්යයේ වුවද, එම රටවල් පවත්වාගෙන යන දැඩි ආරක්ෂක විධිවිධාන සහ අඩු අපරාධ අනුපාතය මෙයට හේතු වී ඇත. කෙසේ වෙතත්, වර්තමාන යුදමය වාතාවරණය හමුවේ ලොව කොතැනකවත් සම්පූර්ණ ආරක්ෂිත ස්ථානයක් නොමැති බවට දේශපාලන විචාරකයෝ අනතුරු අඟවති.
ලොව ආරක්ෂිතම රටවල් 10ක් ලෙස
අයිස්ලන්තය (ලොව අංක 1)
ඩෙන්මාර්කය
අයර්ලන්තය
නවසීලන්තය
ඔස්ට්රියාව
සිංගප්පූරුව
පෘතුගාලය
ස්ලෝවේනියාව
ජපානය
ස්විට්සර්ලන්තය
