රට නැවත ගොඩනැගීමේ අරමුණින් පිහිටුවා ඇති ‘Rebuilding Sri Lanka’ අරමුදල ශක්තිමත් කිරීම සඳහා පෞද්ගලික අංශයේ ආයතන දෙකක සේවක මණ්ඩලය සිය දිනක වැටුප පරිත්යාග කර තිබේ. අන්තර් සමාගම් සේවක සංගමයට අයත් මෙම සේවක පිරිස විසින් රැස්කරන ලද මුදලට අදාළ චෙක්පත් ඊයේ (03) ජනාධිපති ජ්යෙෂ්ඨ අතිරේක ලේකම් රසල් අපොන්සු මහතා වෙත නිල වශයෙන් භාර දෙන ලදී. පරිත්යාග කරන ලද මුදල් පිළිබඳ විස්තර පහත දැක්වේ.
Varun Beverages Lanka Pvt Ltd (Pepsi Cola Company) ආයතනයේ අන්තර් සමාගම් සේවක සංගම් ශාඛාවේ සාමාජිකයින් විසින් සිය දිනක වැටුප ලෙස රුපියල් 458,629 ක මුදලක් පරිත්යාග කර ඇත. එමෙන්ම Royal Ceramics Lanka PLC (Rocell) ආයතනයේ ඇහැළියගොඩ ශාඛාවේ සාමාජිකයන් විසින් සිය දිනක වැටුප ලෙස රුපියල් 337,662 ක මුදලක් මෙම අරමුදලට පිරිනමා තිබේ.
මෙම අවස්ථාවට අන්තර් සමාගම් සේවක සංගමයේ ජ්යෙෂ්ඨ උප සභාපති සෝමදාස වීරතුංග මහතා ඇතුළු ආයතන දෙකෙහි නියෝජිත පිරිසක් සහභාගී වූහ. රටේ ආර්ථිකය යළි ගොඩනැගීමේ කාර්යයට පෞද්ගලික අංශයේ සේවකයින් දක්වන මෙම දායකත්වය රජයේ ඇගයීමට ලක්ව ඇත.
