සෞදි අරාබියේ රියාද් සහ එක්සත් අරාබි එමීර් රාජ්යයේ ඩුබායි බලා අද (05) පියාසර කිරීමට නියමිතව තිබූ ශ්රී ලංකන් ගුවන් සේවයට (SriLankan Airlines) අයත් ගුවන් ගමන් කිහිපයක් අවලංගු කර ඇති බව සිවිල් ගුවන් සේවා අධිකාරිය නිවේදනය කරයි.
මැදපෙරදිග කලාපයේ පවතින උණුසුම් යුද වාතාවරණය සහ ගුවන් කලාපීය ආරක්ෂාව පිළිබඳ ගැටලු මෙලෙස ගුවන් ගමන් අවලංගු කිරීමට ප්රධාන හේතුව වී ඇති බව වාර්තා වේ. මෙම හදිසි තීරණය හේතුවෙන් අදාළ ගමනාන්ත බලා යාමට සිටි මගීන් විශාල පිරිසක් අපහසුතාවයට පත්ව ඇති අතර, විකල්ප ගුවන් ගමන් හෝ මුදල් ආපසු ලබා ගැනීම පිළිබඳව ගුවන් සමාගමෙන් විමසන ලෙස බලධාරීන් දැනුම් දී සිටී.
