තාක්ෂණික දියුණුව සමඟ අපට වැඩි පාලනයක් ඇති බව පෙනුනද, සැබවින්ම අපගේ පෞද්ගලිකත්වය පෙර නොවූ විරූ ලෙස අහිමි වෙමින් පවතින බව බ්රිතාන්යයේ Nesta නවෝත්පාදන ආයතනයේ විශ්ලේෂක තෝමස් බන්ටිං පවසයි. “2026 වසරේදී අන්තර්ජාල පෞද්ගලිකත්වය යනු අයිතිවාසිකමක් නොව සුඛෝපභෝගී (Luxury) දෙයක්” බව ඔහු පෙන්වා දෙයි.
නූතන වෙළඳ ප්රචාරණ ලෝකය තුළ අපගේ දත්ත “මුදල්” (Currency) ලෙස භාවිතා වන බවත්, නොමිලේ ලබාගන්නා සමාජ මාධ්ය සේවාවන් වෙනුවෙන් අපේ දත්ත ලබාදීමට සිදුව ඇති බවත් මෙහිදී සාකච්ඡා වේ. අනාගතයේදී අප නිවසේ ඇති Smart Fridge එක මගින් අප ගන්නා ආහාර පිළිබඳ තොරතුරු රක්ෂණ සමාගම් වෙත ලබාදෙන තරමටම මෙම තත්ත්වය භයානක විය හැකි බවට ඔහු අනතුරු අඟවයි. වර්තමාන තරුණ පරපුර සමාජ මාධ්යවලින් ඉවත් වන්නේ පෞද්ගලිකත්වය ගැන බියෙන් නොව, තිර කාලය (Screentime) හෝ ඇබ්බැහි වීම් පාලනය කිරීමට බව ද මෙම ලිපියෙන් හෙළි වේ.
