ශ්රී ලංකාව තුළ වාර්ෂිකව උපත් ආබාධ සහිත දරුවන් 4,000ත් 5,000ත් අතර පිරිසක් උපත ලබන බව ප්රජා වෛද්ය විශේෂඥ ගයනි ගුණවර්ධන මහත්මිය අනාවරණය කරයි. මෙය මෙරට සෞඛ්ය ක්ෂේත්රය තුළ විශේෂ අවධානයක් යොමු විය යුතු කරුණක් බව ඇය පෙන්වා දෙයි.
විශේෂඥ වෛද්යවරිය සඳහන් කරන පරිදි, 2024 වසරේ දත්ත විශ්ලේෂණය කිරීමේදී උපත් ආබාධ සහිත ළමා මරණ සඳහා ප්රධානතම හේතුව වී ඇත්තේ හෘදය සහ රුධිර සංසරණ පද්ධතිය ආශ්රිතව හටගන්නා ආබාධයන්ය. දරුවෙකු පිළිසිඳ ගැනීමට පෙර සහ ගර්භණී සමයේදී මව ලබාගන්නා පෝෂණය මෙන්ම නිසි වෛද්ය උපදෙස් පිළිපැදීම මගින් මෙවැනි ආබාධ අවම කර ගැනීමට පවතින හැකියාව පිළිබඳව ද සෞඛ්ය අංශ අවධාරණය කරයි.
