ඉරාන හිතවාදී හිස්බුල්ලා සටන්කාමීන් ඉලක්ක කර ගනිමින් ඊශ්රායලය දියත් කර ඇති දැවැන්ත බෝම්බ ප්රහාර හමුවේ මියගිය පුද්ගලයන් සංඛ්යාව 100 ඉක්මවා ගොස් ඇති බව ලෙබනන මහජන සෞඛ්ය අමාත්යාංශය පවසයි. ලෙබනන ජාතික පුවත් ඒජන්සිය උපුටා දක්වමින් නිකුත් කළ නවතම වාර්තාවලට අනුව, ප්රහාර ආරම්භ වූ දින සිට මේ දක්වා පුද්ගලයින් 102 දෙනෙකු ජීවිතක්ෂයට පත්ව ඇති බව තහවුරු වී තිබේ.
මෙම දරුණු ප්රහාර හේතුවෙන් පුද්ගලයින් 638 දෙනෙකු තුවාල ලබා රෝහල්ගත කර ඇති බවත්, ඉන් පිරිසකගේ තත්ත්වය බරපතළ බවත් වාර්තා වේ. ඊශ්රායලය පවසන්නේ හිස්බුල්ලා සංවිධානයේ යුදමය මධ්යස්ථාන ඉලක්ක කර ගනිමින් මෙම ප්රහාර දියත් කරන බව වුවත්, සිවිල් වැසියන් ද මෙයින් දැඩි ලෙස පීඩාවට පත්ව සිටිති. කලාපය තුළ පවතින මෙම යුදමය තත්ත්වය හේතුවෙන් දහස් සංඛ්යාත පිරිසක් සිය වාසස්ථාන අතහැර ආරක්ෂිත ස්ථාන කරා යමින් සිටිති.
