ලුණුගම්වෙහෙර ප්රදේශයේ අලි – මිනිස් ගැටුම වර්ධනය වීමට අනවසරයෙන් ඉඩම් අත්පත් කරගැනීම් ප්රධාන හේතුවක් වී ඇති බව ලුණුගම්වෙහෙර ප්රාදේශීය සභාවේ සභාපති එච්. ඒ. එන්. දිමුතු ප්රසංග මහතා පවසයි. වන සංරක්ෂණ දෙපාර්තමේන්තුවට අයත් රක්ෂිත ඇතුළු ස්ථාන කිහිපයක් විවිධ පුද්ගලයන් විසින් බලහත්කාරයෙන් අල්ලාගෙන ඇති බවත්, ඒ පිළිබඳ සිදු කළ විමර්ශනවලදී එම ඉඩම්වලට කිසිදු නීත්යානුකූල අයිතියක් ඔවුන්ට නොමැති බව හෙළි වී ඇති බවත් සභාපතිවරයා සඳහන් කළේය.
මෑතකදී අනෝමා රාජපක්ෂ මාවතේ අක්කර 40ක පමණ රක්ෂිතයක් බැකෝ යන්ත්ර යොදා එළිපෙහෙළි කිරීමට උත්සාහ කළ අවස්ථාවකදී නොසන්සුන්කාරී තත්ත්වයක් හටගෙන ඇති අතර, එහිදී පොලිසිය විසින් බැකෝ යන්ත්ර සහ සැකකරුවන් අත්අඩංගුවට ගෙන තිබේ. මෙම අනවසර පදිංචිකරුවන් අලි ගමන් කරන මංකඩවල් අවහිර කරමින් අලි වැටවල් ඉදිකිරීම නිසා ගම්මාන තුළට අලි පැමිණීම ඉහළ ගොස් ඇති බවත්, කුමන දේශපාලන බලයක් තිබුණද මෙවැනි නීතිවිරෝධී ක්රියාවලට එරෙහිව දැඩිව නීතිය ක්රියාත්මක කරන බවත් ප්රාදේශීය සභා මන්ත්රී උදිත ජයසිංහ මහතා වැඩිදුරටත් අවධාරණය කළේය.
