ලංකා විදුලි බල මණ්ඩලය ප්රතිව්යුහගත කිරීම සඳහා වන විශේෂ ගැසට් නිවේදනය රජය විසින් නිකුත් කර තිබේ. විදුලි බල ක්ෂේත්රයේ කාර්යක්ෂමතාව ඉහළ නැංවීම සහ පාරිභෝගිකයන්ට වඩාත් ගුණාත්මක සේවාවක් සැපයීම අරමුණු කර ගනිමින් මෙම ප්රතිසංස්කරණ හඳුන්වා දීමට නියමිතය.
මෙම නව ගැසට් නිවේදනය මගින් විදුලි බල මණ්ඩලයේ ව්යුහය වෙනස් කිරීමටත්, විදුලි උත්පාදනය, සම්ප්රේෂණය සහ බෙදාහැරීම යන අංශ වඩාත් විනිවිදභාවයකින් යුතුව පවත්වාගෙන යාමටත් අදාළ මූලික නෛතික රාමුව සැකසෙනු ඇත. බලශක්ති අර්බුදයට විසඳුම් සෙවීම සහ මණ්ඩලය ලාභ ලබන ආයතනයක් බවට පත් කිරීමේ වැඩපිළිවෙළ යටතේ මෙම පියවර ගෙන ඇති බව රජයේ ආරංචි මාර්ග පවසයි.
