Raisina Dialogue 2026 සමුළුවට සහභාගී වීම සඳහා ඉන්දියාව බලා පිටත්ව ගිය ශ්රී ලංකා සංචාරක හා විදේශ කටයුතු අමාත්ය විජිත හේරත් මහතා, ඉන්දීය අගමැති නරේන්ද්ර මෝදි මහතා හමුවී තිබේ. ඉන්දියාවේ නවදිල්ලි නුවරදී පැවැත්වෙන මෙම ඉහළ පෙළේ රාජ්යතාන්ත්රික සමුළුව සඳහා භූතානය, සයිප්රසය සහ මුරිසි දිවයින යන රටවල විදේශ අමාත්යවරුන් ද සහභාගී වීමට නියමිතව ඇත.
මෙම සංචාරය අතරතුර අමාත්යවරයා කලාපීය ආරක්ෂාව සහ ද්විපාර්ශ්වික සබඳතා ශක්තිමත් කර ගැනීම පිළිබඳව ඉන්දීය බලධාරීන් සමඟ අදහස් හුවමාරු කර ගැනීමට නියමිත බව වාර්තා වේ. මැදපෙරදිග කලාපයේ උණුසුම් යුද වාතාවරණයක් පවතින මොහොතක, ඉන්දියන් සාගරයේ ආරක්ෂාව වෙනුවෙන් ශ්රී ලංකාව සහ ඉන්දියාව අතර පවතින මෙම සහයෝගීතාව ඉතා වැදගත් වේ.
