මැදපෙරදිග කලාපයේ පවතින අස්ථාවර වාතාවරණය හමුවේ තම පාරිභෝගිකයන්ට මුදල් පරිහරණය වඩාත් පහසු කිරීම සඳහා Emirates NBD බැංකුව විසින් විශේෂ සහන මාලාවක් ප්රකාශයට පත් කර තිබෙනවා. ඒ අනුව, දෛනික බැංකු කටයුතුවලදී අයකළ ගාස්තු කිහිපයක් තාවකාලිකව ඉවත් කිරීමට එම බැංකුව පියවර ගෙන ඇති බවයි වාර්තා වන්නේ.
ATM ගාස්තු ඉවත් කිරීම: එක්සත් අරාබි එමීර් රාජ්යය (UAE) සහ සෞදි අරාබිය, කටාර්, කුවේට් වැනි ගල්ෆ් කලාපීය (GCC) රටවල ඕනෑම ATM යන්ත්රයකින් මුදල් ලබාගැනීමේදී අයකළ අමතර ගාස්තු සම්පූර්ණයෙන්ම ඉවත් කර ඇත.
ඩෙබිට් කාඩ්පත් සහන: අලුතින් ඩෙබිට් කාඩ්පතක් ලබාගැනීමේදී (Replacement) සහ එය නිවසටම ගෙන්වා ගැනීමේදී (Delivery) අයකළ ගාස්තු ද ඉවත් කර තිබේ. මෙය දේශීයව මෙන්ම විදේශීය ලිපින සඳහා ද අදාළ වේ.
මෙම සහන කාලසීමාව 2026 මාර්තු 31 වැනිදා දක්වා ක්රියාත්මක වන බවයි බැංකුව සිය පාරිභෝගිකයන්ට දන්වා සිටින්නේ. කලාපීය වශයෙන් පවතින විවිධ බාධාකාරී තත්ත්වයන් හමුවේ පාරිභෝගිකයන්ට තම මුදල් පහසුවෙන් සහ නම්යශීලීව කළමනාකරණය කරගැනීමට අවස්ථාව ලබාදීම මෙහි ප්රධාන අරමුණ බව එම බැංකුව වැඩිදුරටත් අවධාරණය කරනවා.
