උත්තරාඛාන්ඩ් ප්රාන්තයේ වාර්ෂිකව පැවැත්වෙන පූජනීය චාර් දාම් වන්දනා ගමන සඳහා වන මාර්ගගත (Online) ලියාපදිංචි කිරීමේ කටයුතු අද (06) උදෑසන 7:00 සිට නිල වශයෙන් ආරම්භ විය. මෙවර වන්දනා සමය අප්රේල් මාසයේදී ආරම්භ වීමට නියමිත අතර ඒ සඳහා ඉන්දියානු මෙන්ම විදේශීය බැතිමතුන්ට ද දැන් අවස්ථාව විවෘතව පවතී.
මෙවර වන්දනා ගමනේ වැදගත් දින වකවානු කිහිපයක් මෙසේය:
යමුනෝත්රි සහ ගංගෝත්රි දේවස්ථානවල ද්වාර අප්රේල් 19 වැනිදා විවෘත වන අතර කේදර්නාත් දේවස්ථානය අප්රේල් 22 වැනිදාත්, බද්රිනාත් දේවස්ථානය අප්රේල් 23 වැනිදාත් බැතිමතුන් සඳහා විවෘත කෙරේ.
වන්දනාකරුවන්ට සිය ආධාර් (Aadhaar) කාඩ්පත භාවිතයෙන් නිල වෙබ් අඩවිය හෝ “Tourist Care Uttarakhand” ජංගම යෙදුම හරහා ලියාපදිංචි විය හැකිය. ඩිජිටල් පහසුකම් නොමැති අය සඳහා අප්රේල් 17 වැනිදා සිට රිෂිකේෂ්, හරිද්වාර් සහ ඩේරාඩූන් යන නගරවල ස්ථාපිත මධ්යස්ථාන හරහා ලියාපදිංචි වීමේ පහසුකම් සලසා ඇත. විදේශීය ජාතිකයන් සඳහා විද්යුත් තැපෑල (Email) මගින් ලියාපදිංචි වීමේ විශේෂ පහසුකමක් ද හඳුන්වා දී තිබේ. ලියාපදිංචි වීමෙන් තොරව කිසිදු බැතිමතෙකුට මෙම පූජනීය ස්ථානවලට ඇතුළු වීමට අවසර නොලැබෙන බව රජය අවධාරණය කරයි.
