මැදපෙරදිග කලාපයේ පවතින උග්ර යුදමය තත්ත්වය හමුවේ ගෝලීය ඉන්ධන සැපයුම් ජාලයට තර්ජන එල්ල වී තිබියදී, ඉන්දීය දුම්රිය සේවය සිය පුළුල් දුම්රිය මාර්ග පද්ධතියෙන් 99.4%ක්ම විදුලිකරණය අවසන් කර ඇති බව වාර්තා වේ. බ්රිතාන්යය පදනම් කරගත් “Riding Sunbeams” ආයතනය නිකුත් කළ වාර්තාවකට අනුව 2026 ජනවාරි මාසය වන විට මෙම සුවිශේෂී ජයග්රහණය අත්කර ගැනීමට ඉන්දියාව සමත්ව තිබේ.
ඉන්දීය දුම්රිය සේවය විදුලිකරණය කිරීම නිසා 2024-25 වර්ෂය තුළ පමණක් ඩීසල් පරිභෝජනය ලීටර් කෝටි 178කින් අඩු වී ඇති අතර, එය 2016-17 වසරට සාපේක්ෂව 62%ක දැවැන්ත අඩුවීමකි. ඉන්දියාව සිය බොරතෙල් අවශ්යතාවයෙන් 85%කට වඩා ආනයනය කරන අතර, ඉන් 40%ක්ම ලබාගන්නේ මැදපෙරදිග ‘හොර්මුස් සමුද්ර සන්ධිය’ හරහාය. වත්මන් යුද වාතාවරණය හමුවේ ඉන්ධන සැපයුමට බාධා එල්ල වුවද, දුම්රිය සේවය විදුලි බලයට හැරවීම නිසා ඉන්දියාවේ බලශක්ති ඔරොත්තු දීමේ හැකියාව ඉහළ ගොස් ඇත.
දුම්රිය මාර්ග විදුලිකරණය අතින් ඉන්දියාව මේ වන විට චීනය සහ එක්සත් රාජධානිය වැනි ප්රබල ආර්ථිකයන් අභිබවා ගොස් ලොව ඉදිරියෙන්ම සිටී. ලෝකයේ පූර්ණ විදුලි දුම්රිය ජාලයක් සහිත රටවල් අතරින් ස්විට්සර්ලන්තයට වඩා 13 ගුණයක විශාල ජාලයක් පවත්වාගෙන යමින් ඉන්දියාව මෙම වාර්තාව පිහිටුවා ඇත.
