සර්වජන බලය පක්ෂ මූලස්ථානයේදී අද පැවැති විශේෂ මාධ්ය හමුවකදී දේශපාලන කරළිය උණුසුම් කරවන කරුණු කිහිපයක් පිළිබඳව අදහස් පළ වූ අතර එහිදී පක්ෂයේ ප්රධානීන් විසින් වත්මන් ආණ්ඩුවේ ක්රියාකලාපය මෙන්ම විපක්ෂය එල්ල කරන විවේචන සම්බන්ධයෙන් ද සිය නිල ස්ථාවරය ප්රකාශ කර සිටියේය. ලෝකයේ ප්රථම අගමැතිනිය වන සිරිමාවෝ බණ්ඩාරනායක මැතිණිය සම්බන්ධයෙන් මෑතකදී ඇති වූ කතාබහට ප්රතිචාර දක්වමින් සර්වජන බලය මහලේකම් නීතිඥ රංජන් සෙනවිරත්න මහතා සඳහන් කළේ ඉතිහාසය සහ සම්ප්රදායන් පිළිබඳ නිසි අවබෝධයක් නොමැතිව සිදුකරන ප්රකාශවලින් මෙරට අභිමානයට හානි සිදුවන බවයි. ශ්රී ලංකාව ලෝකයට දායාද කළ එම ප්රෞඪ ඉතිහාසය ආරක්ෂා කරගැනීමේ වැදගත්කම ඔහු මෙහිදී විශේෂයෙන් අවධාරණය කළේය.
මේ අතර සර්වජන නීතිඥ සංගමයේ සභාපති නීතිඥ මහේෂ් කොටුවැල්ල මහතා මෙහිදී බරපතළ හෙළිදරව්වක් සිදු කරමින් කියා සිටියේ හිටපු ජනාධිපති ගෝඨාබය රාජපක්ෂ මහතා අත්අඩංගුවට ගැනීම සඳහා පවතින රජය යම් කුමන්ත්රණකාරී වැඩපිළිවෙලක් දියත් කරමින් සිටින බවට තොරතුරු ලැබී ඇති බවයි. නීතිය අවභාවිත කරමින් සිදුකරන එවැනි දේශපාලන පලිගැනීම්වලට එරෙහිව සිය සංගමය දැඩිව පෙනී සිටින බව ද ඔහු වැඩිදුරටත් පැවසීය. වත්මන් දේශපාලන නායකත්වයේ ස්වභාවය විවේචනය කළ සර්වජන බලය මාධ්ය ප්රකාශක වෛද්ය ප්රියංකර මහගම්මුල්ලගේ මහතා පෙන්වා දුන්නේ හුණ්ඩු මොළයයි බුසල් කටයි තියාගෙන නායකයෝ වූ පිරිස් නිසා අද වන විට රටේ ජනතාව දැඩි පීඩාවකට පත්ව ඇති බවයි. නිසි කළමනාකරණ හැකියාවක් හෝ දැක්මක් නොමැති පාලකයන්ගෙන් රට මුදාගත යුතු බව පවසමින් ඔහු අවධාරණය කළේ ප්රායෝගික සහ බුද්ධිමත් දේශපාලන සංස්කෘතියක අවශ්යතාවය අද රටට තදින්ම දැනෙන බවයි.
