ගාල්ලට ඔබ්බෙන් වූ මුහුදේදී ඇමෙරිකානු සබ්මැරීන ප්රහාරයකින් ‘IRIS ඩේනා’ නෞකාව විනාශ වීමට දින කිහිපයකට පෙර, ඉරාන නාවික හමුදාවට අයත් IRIS ලවාන් (IRIS Lavan) නමැති තවත් නෞකාවකට ආරක්ෂාව සපයන ලෙස ඉරාන රජය ඉන්දියාවෙන් ඉල්ලීමක් කර තිබූ බව විදෙස් මාධ්ය අනාවරණය කරයි. එම ඉල්ලීම සලකා බැලූ ඉන්දීය රජය, ජාත්යන්තර නාවික සමාලෝචනයක් (International Fleet Review) සඳහා ඉන්දීය සාගර කලාපයට පැමිණ සිටි මෙම නෞකාවට ඉන්දියාවේ කොචි වරායට (Kochi Port) ඇතුළු වීමට අවසර ලබා දී ඇත.
පසුගිය මාර්තු 1 වැනිදා කොචි වරායට සේන්දු වූ මෙම නෞකාවේ සිටි නාවිකයන් 183 දෙනෙකුට මේ වන විට ඉන්දීය නාවික හමුදා මධ්යස්ථාන තුළ නේවාසික පහසුකම් සහ ආරක්ෂාව සලසා දී තිබේ. ‘IRIS ඩේනා’ නෞකාවට එල්ල වූ ප්රහාරයත් සමඟ කලාපීය නාවික ආරක්ෂාව දැඩි ලෙස අස්ථාවර වී ඇති පසුබිමක, ඉන්දියාව විසින් ඉරාන නාවිකයන්ට මෙලෙස රැකවරණය ලබා දීම ජාත්යන්තර දේශපාලන විචාරකයන්ගේ විශේෂ අවධානයට ලක්ව ඇත.
