බහරේනයේ ජුෆෙයාර් (Juffair) ප්රදේශයේ පිහිටි ඇමරිකානු හමුදා කඳවුර ඉලක්ක කර ගනිමින් ඉරාන විප්ලවීය ආරක්ෂක බලකාය (IRGC) විසින් ප්රබල මිසයිල ප්රහාරයක් එල්ල කර තිබේ. අල්ජසීරා පුවත් සේවයට අනුව, ඝන සහ ද්රව ඉන්ධන මඟින් බලගැන්වෙන මිසයිල මෙම ප්රහාරය සඳහා යොදාගෙන ඇත. ප්රහාරයත් සමඟ බහරේනය පුරා ගුවන් අනතුරු ඇඟවීමේ සයිරන් නාද වෙමින් පවතින අතර, ප්රදේශයේ ආරක්ෂාව උපරිම මට්ටමින් තර කර ඇති බව එරට අභ්යන්තර කටයුතු අමාත්යාංශය නිවේදනය කර තිබේ.
ඉරාන විදේශ අමාත්ය අබ්බාස් අරගාචි ප්රකාශ කරන්නේ, මෙම ප්රහාරය ඉරානයට අයත් කෙෂ්ම් (Qeshm) දූපතේ ජල පිරිපහදු මධ්යස්ථානයකට ඇමරිකාව එල්ල කළ ප්රහාරයට දැක්වූ ප්රතිචාරයක් බවයි. ඇමරිකානු ප්රහාරය හේතුවෙන් ඉරානයේ ගම්මාන 30ක පමණ ජල සැපයුම අඩාල වී ඇති බව ද ඔහු වැඩිදුරටත් සඳහන් කළේය. දෙපාර්ශවය අතර පවතින මෙම ප්රහාර සහ ප්රතිප්රහාර මාලාව හේතුවෙන් මැදපෙරදිග කලාපයේ යුදමය වාතාවරණය ඕනෑම මොහොතක මහා පරිමාණ යුද්ධයක් දක්වා ව්යාප්ත වීමේ දැඩි අවදානමක් මතුව ඇත.
