ටෙහෙරාන් නුවර පිහිටි ඉරාන ඉස්ලාමීය විප්ලවවාදී ආරක්ෂක බලකායේ (IRGC) ගුවන් හමුදා මූලස්ථානය සහ මධ්යම ගුවන් ආරක්ෂක විධාන මධ්යස්ථානය ඉලක්ක කර ගනිමින් ඊශ්රායල හමුදාව ප්රබල ප්රහාරයක් එල්ල කර තිබේ. අල්ජසීරා පුවත් සේවය වාර්තා කරන පරිදි මෙම ප්රහාර මාලාව මඟින් ඉරානයේ ගුවන් ආරක්ෂක පද්ධති, මූලස්ථාන, ගබඩා සංකීර්ණ සහ අනෙකුත් හමුදාමය ව්යුහයන් රැසක් විනාශ කිරීමට ඊශ්රායල හමුදාව සමත් වී ඇත. මීට අමතරව බැලස්ටික් මිසයිල නිෂ්පාදනය කරන ස්ථාන, ඒවා දියත් කරන මධ්යස්ථාන මෙන්ම කුඩ්ස් බලකායට අයත් යුධ උපකරණ ගබඩා කර තිබූ ස්ථාන ද මෙම ප්රහාරවල ප්රධාන ඉලක්ක බවට පත්ව තිබේ. මෙම මෙහෙයුම හරහා ඉරානයේ යුධමය සහ සන්නිවේදන හැකියාවන්ට තීරණාත්මක බලපෑමක් එල්ල වී ඇති බව ඊශ්රායල හමුදාව වැඩිදුරටත් සඳහන් කරයි.
