වර්තමානයේ ලෝකය පුරා, විශේෂයෙන්ම මැදපෙරදිග කලාපයේ උද්ගතව ඇති යුදමය තත්ත්වය හේතුවෙන් ගෝලීය ආර්ථිකයට එල්ල වී ඇති බලපෑමෙන් ශ්රී ලංකාවට ද මිදිය නොහැකි බව නිවාස ඉදිකිරීම් හා ජල සම්පාදන අමාත්ය සුසිල් රණසිංහ මහතා පවසයි. උත්සව සභාවක් අමතමින් අමාත්යවරයා පෙන්වා දුන්නේ ලෝක ආර්ථිකයට එල්ල වන ඕනෑම අහිතකර ප්රතිවිපාකයක් මෙරට ආර්ථිකයට ද අනිවාර්යයෙන්ම බලපාන බවයි.
මෙම අර්බුදකාරී තත්ත්වය කළමනාකරණය කිරීමට රජය උපරිම උත්සාහයක් ගන්නා බවත්, කෙසේ වෙතත් ගෝලීය තත්ත්වයන් හමුවේ එවැනි කළමනාකරණ කටයුතු සිදු කිරීමේදී රජයට ද යම් සීමාවන්ට යටත්ව කටයුතු කිරීමට සිදුවන බවත් ඔහු වැඩිදුරටත් අවධාරණය කළේය. විශේෂයෙන්ම බලශක්ති මිල ඉහළ යාම සහ සැපයුම් දාම අඩාල වීම වැනි කරුණු හමුවේ දේශීය ආර්ථිකය ස්ථාවරව තබා ගැනීම රජයේ ප්රමුඛ අභියෝගය වී ඇති බව අමාත්යවරයා මෙහිදී සඳහන් කළේය.
