ප්රහාරයට ලක්වූ IRIS Dena නෞකාවේ සිටියදී තුවාල ලබා ගාල්ල කරාපිටිය ශික්ෂණ රෝහලේ ප්රතිකාර ලැබූ ඉරාන නාවිකයින් 22 දෙනෙකු පූර්ණ සුවය ලැබීමෙන් පසු අද (08) පෙරවරුවේ කොග්ගල ගුවන් හමුදා කඳවුර වෙත යොමු කර තිබේ.
ශ්රී ලංකා නාවික හමුදාව සහ ගුවන් හමුදාව එක්ව සිදුකළ විශේෂ මානුෂීය මෙහෙයුමකින් පසු මෙම පිරිස බේරාගෙන රෝහල්ගත කර තිබුණි. කොග්ගල ගුවන් හමුදා කඳවුරේ රඳවා සිටින මෙම නාවිකයින් පිරිස ඉදිරි දින කිහිපය තුළ විශේෂ ගුවන් යානයක් මගින් යළි ඉරානය බලා පිටත් කර හැරීමට අවශ්ය රාජ්ය තාන්ත්රික කටයුතු මේ වන විට සූදානම් කරමින් පවතින බව වාර්තා වේ.
