මහරගම නගරයේ අද (08) උදෑසන හටගත් හදිසි ගින්නෙන් රුපියල් ලක්ෂ 400ක (කෝටි 4ක) පමණ දැවැන්ත දේපළ හානියක් සිදුව ඇති බව පමුණුව අලුත් පාර අලුයම රෙදිපිළි සංගමයේ සභාපති කුසුම්සිරි දසනායක මහතා පවසයි. විශේෂ මාධ්ය හමුවක් පවත්වමින් ඔහු සඳහන් කළේ මෙම ගින්න රෙදිපිළි අලෙවිසැලකින් නොව, තොවිල් බඩු අලෙවි කරන ස්ථානයකින් ආරම්භ වී ඇති බවයි.
ගින්න මැඩපැවැත්වීමට කටයුතු කළ පොලිසිය, නගර සභා සේවකයින් සහ පාර්ලිමේන්තු මන්ත්රී දේවානන්ද සුරවීර මහතාට සංගමය ස්තූතිය පළ කළේය. එළඹෙන උත්සව සමයේදී පාරිභෝගිකයන්ට අවශ්ය රෙදිපිළි සැපයුම අඩාල වීමට ඉඩ නොතබන බව ද ඔහු සහතික විය. කෙසේ වෙතත්, ගිනි නිවන ඒකක පැමිණීම ප්රමාද වීම හේතුවෙන් විනාශය දැඩි වූ බවට ප්රදේශවාසීන්ගෙන් දැඩි විවේචන එල්ල වෙමින් පවතී.
